Kuvendi i Kosovës ka nisur punimet e seancës së sotme plenare.
Para fillimit të pikave të rendit të ditës, deputeti i ri i Kuvendit të Kosovës nga LVV-ja, Nasuf Bejta është betuar si deputet.
Bejta zëvendëson deputeten e dorëhequr Vasfije Krasniqi.
Bejta i takon Listës “Guxo” dhe në zgjedhjet e 14 shkurtit 2021, i kishte mbledhur 5,763 vota.
Ai kishte shpallur kandidaturën për president, duke sfiduar Vjosa Osmanin.
Ndryshe, deputetja e LVV-së, Vasfije Krasniqi, është tërhequr nga pozita e deputetes më 21 shtator. Ajo ka treguar se këtë vendim e ka marrë për arsye shëndetësore. /Telegrafi/