Las Palmas është duke punuar që ta mbyll marrëveshjen me Samir Nasrin si transferim i lirë.
‘Los Amarillos’ kanë marr lejen nga La Liga dhe federata spanjolle pasi që është liruar një vend në skuadër pas largimit të Jonathan Vieras drejt Beijing Guoan.
Francezi sezonin e shkuar ishte në huazim te Sevilla nga Manchester City.
Ai pastaj për gjysmë sezoni kaloi te klubi turk Antalyaspor, por u largua që në janar.
Mesfushori 30 vjeçar ka stil të njëjtë loje me Vieran që u largua, i cili ka kaluar shtatë sezone te Arsenal dhe City në Ligën Premier.
Shumë media spanjolle e japin si të kryer marrëveshjen mes palëve.
Las Palmas ka disa emra të njohur në skuadër si Alberto Aquilani, Emmaneul Emenike dhe Alen Halilovic.
Klubi spanjoll mban pozitën e 18 në La Liga dhe kërkon shpëtimin për sezonin e dytë me radhës. /Telegrafi/