Pas protestave të djeshme të BDI-së për kryqin gjigant në Butel ka pasur reagime të shumta në internet për atë se a është dashur të del BDI në protesta apo jo. Në mes tjerash ka reaguar edhe Naser Selmani, kryetar i shoqatës së gazetarëve në Maqedoni, njofton Telegrafi.
Ai në një postim në Facebook shkruan ”Shqiptarët e Shkupit u treguan të pjekur dhe nuk rranë pre e manipulimeve të BDI dhe nuk lejuan të përdoren si mish për topë në pazaret e pista politike me VMRO. Në protestë kishte vetëm funksionarë dhe militantë të BDI-së dhe hiç qytetarë të zakoshëm! Protesta mbeti protestë e funksionarëve të BDI-së, e jo e shqiptarëve. Kjo qeveri nuk do të mund të ruajë pushtetin duke nxitur përleshje mes shqiptarëve dhe maqedoneve, dhe nuk do fitojnë vota në zgjedhjet e ardhshme duke inskenuar konflikte të kontrolluara.
Maskat ranë dhe BDI e VMRO do ta marrin dënimin e merituar nga qytetarët nëse zgjedhjet do jenë të lira. Njerëzit e zakonshëm e kanë kuptuar politikën dyftyrëshe të pushteti, i cili natën i ve zjarrin shtëpisë e në mëngjes hiqet si zjarrëfikës.” shkruan Selmani./Telegrafi/
Shqiptarët e Shkupit u treguan të pjekur dhe nuk rranë pre e manipulimeve të BDI dhe nuk lejuan të përdoren si mish për…
Posted by Naser Selmani on Thursday, March 3, 2016