Kryetari i Shoqatës së Gazetarëve të Maqedonisë, Naser Selmani, i’u drejtua sot Këshillit Kombëtar për Integrim Evropian, ku u shqyrtua raporti i Komisionit Evropian.
Selmani tha se të gjithë pajtohen se ka progres krahasuar me vitin e kaluar, por që jemi larg reformave serioze të medias. Ai vuri në dukje se vërejtja kryesore është politika e mosndëshkimit për sulme ndaj gazetarëve. “Mesazhi më i rëndësishëm, i dërguar nga Komisioni Evropian nëpërmjet këtij raporti, është zero tolerancë ndaj sulmeve fizike dhe verbale ndaj gazetarëve. Në vendet të lira dhe demokratike nuk ka vend për rrahjen dhe frikësim të gazetarëve, ndërsa kur ajo ndodh, institucionet duhet të kenë kapacitet për të kryer hetime efikase për të identifikuar dhe ndëshkuar sulmuesit”, tha Selmani.
Sipas tij, KE njohu nevojën për një reformë të thellë në Radio Televizionin e Maqedonisë, veçanërisht në fushën e pavarësisë institucionale dhe editoriale.
Në fund, Selmani përshëndeti pjesëmarrjen e opozitës në procesin e reformës së media dhe i kërkoi të gjithëve që të angazhohen në mënyrë konstruktive në debatin e amendamenteve për SHGM. /Telegrafi/