Një asteroid i rrallë që supozohet se është i përbërë kryesisht prej metali është duke u hulumtuar, dhe vlerësohet të jetë me vlerë rreth 10,000,000,000,000,000,000 dollarë (10 Quintillion).
Shumica e asteroideve janë të përbërë nga akull dhe shkëmb, por asteroidi 16 Psyche është i përbërë nga një sasi aq e madhe me hekur dhe nikel, dhe asteroidi mund të përmbajë edhe ar.
Sipas mediave të huaja, përcjell Telegrafi, pamjet e para ultraviolet të 16 Psyche janë lëshuar nga The Planetary Science Journal, duke treguar se është një nga objektet më të mëdha në rripin asteroid të sistemit diellor.
“Ne kemi parë të tillë që janë kryesisht metale, por Psyche mund të jetë unik në atë që mund të jetë një asteroid që është bërë tërësisht prej hekuri dhe nikeli”, citohet të ketë thënë autori kryesor Dr. Tracy Becker në një deklaratë.
Kështu, për të parë një vështrim edhe më nga afër, NASA po dërgon një anije kozmike te asteroidi pasi mund të japë një pasqyrë të bërthamave planetare – baza e një planeti.
“Sapo të shkojmë te Psyche, ne me të vërtetë do të kuptojmë nëse është kështu, edhe nëse nuk rezulton siç e presim. Çdo herë që ka një surprizë, është gjithmonë emocionuese”.
Asteroidi Psyche thuhet se ndodhet afërsisht në 230 milionë milje (370 milion kilometra) nga Toka. /Telegrafi/