Ministri i ri teknik në MPB, Naqe Çulev paralajmëroi se do të kontrollohet gjendja në MPB dhe se do të njoftohet opinioni nëse janë marrë vendime të paligjshme.
“Prioriteti im gjatë periudhës së ardhshme do të jenë organizimi i zgjedhjeve të qetë, korrekte dhe demokratike. Për këtë qëllim do të ndërmerren aktivitete për parandalimin e tentimeve eventuale kriminale, të dhunshme”, tha Çulev, përcjell Telegrafi Maqedoni.
Zëvendësministri i Bujqësisë, Cvetan Trupinovski tha se me hyrjen e tij në institucione do të bëjnë gjithçka në mënyrë që të respektohet vullneti i qytetarëve dhe zgjedhje të lira.
“Do ta shohim gjendjen dhe nuk do të lejojmë të shkelen të drejtat e qytetarëve. Ne si qeveri teknike nuk mund të bëjmë mrekulli dhe nuk mund ta ndryshojmë gjendjen me administratën e partizuar. Por, do të jemi të zëshëm kundër krimit dhe korrupsionit dhe nuk do të lejojmë asnjë trysni ndaj votuesve. Ne e dimë se si ky pushtet la sistem të partizuar ku sundon nepotizmi kundrejt profesionalizmit”, tha Trupunovski./Telegrafi/