Napoli ka triumfuar me shkëlqim ndaj Juventusit me rezultat 5-1 në derbin e xhiros së 18-të në Serie A.
Lideri aktual i Serie A ka bërë një shfaqje të mrekullueshme në këtë sfidë dhe me plot meritë mori tre pikët.
Victor Osimhen realizoi dy gola, Kvicha Kvaratskhelia një tjetër, derisa me nga një gol kontribuuan edhe Elif Elmas dhe kapiteni i Kosovës, Amir Rrahmani.
Nota më e lartë në këtë sfidë shkoi për sulmuesin gjeorgjian Kvicha Kvaratskhelia që realizoi një gol e bëri dy asistime 9,0.
Me nota të larta u vlerësuan edhe Victor Osimhen (8,6) si dhe dy qendërmbrojtësit Kim dhe Amir Rrahmani.
Ndërkohë të humbësit më i vlerësuari ishte Angel Di Maria, derisa nota më e ulët shkoi për mbrojtësin Bremer. /Telegrafi/