Naomi Campbell mori vëmendjen në hapjen e Forever-Valentino, një ekspozitë e mbajtur në qendrën e artit M7 në Doha, Katar, të enjten mbrëma.
Supermodelja, 52 vjeçe, dukej e jashtëzakonshme me një fustan rozë, ndërsa mahniti të pranishmit me atë që kishte vënë në kokë teksa ecte në tapetin e kuq në vendin e Lindjes së Mesme.
Ngjarja vjen vetëm disa javë përpara Kupës Botërore të Katarit, me vendin që po përballet me kritika në rritje për trajtimin e grave, punëtorëve migrantë dhe personave LGBTQ+.
Ndërkohë Sabrina Elba, 33 vjeçe, tërhoqi po ashtu vëmendjen me një fustan jeshil të ndezur për eventin ku iu bashkua Janet Jackson, 56 vjeçare, e cila kishte veshur një fustan ngjyrë kafe.
Gruaja e Idris Elbas ka kompletuar pamjen e saj magjepsëse me një çantë ari rrethore me shkëlqim dhe gjerdan me vathë të ngjashëm.
Vendimi i FIFAs për të mbajtur Kupën e Botës në Katar është rrethuar nga polemika – veçanërisht në lidhje me punëtorët migrantë dhe komunitetin LGBTQ+.
Katari është përballur me një shqyrtim intensiv të kushteve fizike dhe kontraktuale për qindra mijëra punëtorë migrantë që kur u fituan të drejtat e organizimit të Kupës së Botës 12 vjet më parë.
Është ende për t’u parë se sa kohë do të shpenzojnë transmetuesit e Kupës së Botës për të theksuar akuzat kundër qeverisë së Katarit, të cilat përfshijnë pretendimet e vitit 2013 nga The Guardian se punëtorëve iu mohua ushqimi, uji dhe iu hoqën pasaportat.
Disa pretendojnë se nuk janë paguar, ose nëse janë paguar, pagesat kanë qenë minimale dhe të vonuara. Një hetim i Daily Mirror i vitit 2019 zbuloi se 28 mijë puntorë paguheshin afërsisht 1 dollarë në orë gjatë një jave 48-orëshe.
Më e keqja, The Wall Street Journal raportoi në 2015 se mbi 1200 punëtorë vdiqën duke ndërtuar infrastrukturën për turneun. Vitin e kaluar, The Guardian e vendosi këtë shifër afër 6500 mijë. /Telegrafi/
