Cristiano Ronaldo ka ndikuar pozitivisht në kalimin e Luis Nanit te Valencia.
Luis Nani ka treguar se bashkëlojtari i tij te kombëtarja portugeze, Cristiano Ronaldo e ka mbështetur për transferimin e tij në kampionatin spanjoll te skuadra e Valencias.
“Cristiano më uroi mua dhe më tha se Valencia është një klub i madh në Spanjë dhe se unë do të përshtatem në La Liga”, tregoi Nani për AS, transmeton Telegrafi.
“Zgjidhem diçka që kërkon kohë, por unë nuk mendoj se kjo do të jetë shumë e komplikuar për shkak se stili i lojës është i ngjashëm me Portugalinë. Është teknik dhe mund të jetë shumë i shpejtë”, përfundoi sulmuesi portugez.
Ndryshe, transferimi i Nanit i kushtoi vetëm tetë milionë euro skuadrës spanjolle. /Telegrafi/