23-vjeçari ka pasur dy vite nga kontrata e tij e mëhershme, të cilën e nënshkroi kur iu bashkua klubit nga Sporting Lisbona në vitin 2007. Kontrata tash është zëvendësuar nga një e re që do ta lidhë portugezin në Old Trafford deri në qershor të vitit 2014.
“Nani është një talent i madh dhe është zhvilluar shumë që kur i është bashkuar klubit. Ne jemi të ngazëllyer që ai ka nënshkruar kontratë të re dhe jam i sigurt se ai do të mbetet për gjatë kohë dhe me shumë sukses në Manchester United”, ka thënë Ferguson.
“Jam i ngazëllyer që kam nënshkruar kontratë të re. Ka qenë ëndërr e realizuar të luaj për Manchester United”, ka thënë Nani për faqen zyrtare të klubit. /Telegrafi/