Nafta e lehtë amerikane për dërgesat e nëntorit, në tregun e New York ka rënë në 82,24 dollarë për barel, që është më e ulëta nga tetori i vitit 2007.
Analistët kanë vlerësuar se tërë tregu ka humbur besimin në gjithçka dhe se problemi kryesor është se askush nuk e di se sa do të zgjasë kriza ekonomike.
Investuesit në tregun e naftës kanë injoruar paralajmërimet se Organizata e vendeve eksportuese të naftës OPEK do të zvogëlojë prodhimtarinë për 520.000 barela në ditë.
Ndryshe çmimi i naftës ka pësuar rënie rreth 44 për qind që nga koha kur kishte shënuar rekordin, më 11 korrik të këtij viti, kur kishte kushtuar 147,27 dollarë për barel.