Siç bëhet e ditur në një njoftim, kryeministri Mustafa e falënderoi ambasadorin Vodopija për kontributin e tij personal dhe të shtetit kroat për Kosovën, duke i uruar ambasadorit suksese në angazhimet e mëtejshme.
“Kryeministri Isa Mustafa vlerësoi përkrahjen e Kroacisë për Kosovën, veçmas në proceset eurointegruese, duke shprehur përkushtimin e Qeverisë së Kosovës për zgjerimin e mëtejshëm të bashkëpunimit ndërmjet dy vendeve”, thuhet në njoftim.
Më tej shtohet se ambasadori Zoran Vodopija, e falënderoi kryeministrin Isa Mustafa për bashkëpunimin e ofruar gjatë misionit në Kosovë, duke shprehur përkrahje të mëtejshme për Kosovën. /Telegrafi/