Telegrafi

Mustafa: Vizita e Vuçiqit në Kosovë nuk paraqet problem

Kryeministri i Kosovës, Isa Mustafa është duke qëndruar në Prizren në cilësinë e kryetarit të LDK-së, me rastin e 26 vjetorit të themelimit të kësaj dege në këtë qytet.

Mustafa për çështjen e vizitës së homologut të tij serb, Aleksandër Vuçiq në Kosovë të dielën ka thënë se nuk e she si problem.

“Ministria e Punëve të Jashtme i ka dhënë lejen që të vijë në Kosovë dhe kjo për mua nuk paraqet asnjë problem”, ka thënë Mustafa për Klan Kosova.

Ai ka thënë se vendi nuk do të shkojë në zgjedhje deri në vitin 2018, ndërsa ka thënë se partia e tij do të dalë e para në ato zgjedhje, pasi që ka thënë se LDK i ka njerëzit e besueshëm.