Kryetari i LDK-së, Isa Mustafa gjatë ditës së sotme është takuar me përfaqësuesen e posaçme të BE-së dhe Shefe e Zyrës së BE-së në Kosovë, Nataliya Apostolova.
Në takim është biseduar për situatën politike në Kosovë.
Në komunikatën e bërë nga LDK, thuhet se Mustafa ka njoftuar Apostolova për qëndrimet e LDK-së për proceset në të cilat po kalon Kosova.
Gjithashtu kryetari Mustafa ka falendëruar BE-në për mbështetjen e vazhdueshme që i kanë dhënë Kosovës në të gjitha proceset shtetformuese.
Tutje në komunikatë thuhet se, Apostolova ka falënderuar kryetarin Mustafa për mikpritjen dhe ka inkurajuar LDK-në të vazhdojë të ketë rol konstruktiv në zhvillimin e vazhdueshëm të Kosovës.
I pranishëm në takim ishte edhe Arban Abrashi, anëtar i Kryesisë së LDK-së./Telegrafi/