Në shënimin e 27-vjetorit të themelimit të Degës së tretë të Lidhjes Demokratike të Kosovës (LDK), lideri i saj, Isa Mustafa ka thënë se prania e madhe e njerëzve në tubime, e tregon se LDK-ja është e para.
“Kjo pjesëmarrje tregon mënyrën më të mirë përkushtimin e anëtarësisë së LDK-së, edhe përkrahjen që qytetarët e Prishtinës dhe të Kosovës ia japin LDK-së. Argumentet tona se jemi parti e parë. Ne nuk porosisim që të bëhen sondazhe sipas dëshirave tona, por i ftojmë njerëzit tanë që të marrin pjesë në tubime tona që të përkrahin programin e LDK-së, që të përkrahin punën tonë dhe orientimet tona, dhe që të na përkrahin që ne t’i realizojmë të gjitha qëllimet dhe synimet tona, projektet tona dhe premtimet që ne u kemi dhënë qytetarëve”, ka thënë Mustafa, transmeton Kosovapress.