Kryeministri i Kosovës, Isa Mustafa ka thënë se Kosova është duke u përballur me probleme energjetike.
Ai ka treguar se qeveria e Kosovës është duke negociuar me një kompani gjermane për të investuar në energjetikë, por që tani nuk ka kapacitete të mjaftueshme për të prodhuar energji elektrike.
“Ne do të mundohemi t`i mbajmë vitale kapacitetet ekzistuese prodhuese në KEK dhe po punojmë dhe jemi duke negociuar me një kompani gjermane për të investuar në energjetik ku parashihet që Kosova e Re të përfundojë deri më 2023. Jemi në dilmë çfarë të bëjmë me ‘Kosovën A’, të mbyllet apo të vazhdojë me prodhim. Ne nuk kemi energji elektrike të mjaftueshme për të prodhuar”, ka thënë Mustafa gjatë një konference për media të premten.
Po ashtu kryeministri ka folur edhe uljen e TVSH-së e cila do të hyje në fuqi pas pak muajve, sipas tij, kjo do të ndikoj edhe në çmimin e energjisë.
Ndërkaq, ministri i Financave Avdullah Hoti theksoi se sa i përket pagesës së veteranëve të luftës ka buxhet të mjaftuar.
“Ka buxhet të mjaftuar vetëm po presim listën e veteranëve. Jam në kontakt të vazhduar me Agim Çekun”, tha ministri Hoti. /Telegrafi/