Kryetari i Lidhjes Demokratike të Kosovës, Isa Mustafa ka thënë se Forumi i Gruas së LDK-së, përkrahë Qeverinë Hoti dhe se ky forum kërkon nga Qeveria dhe partia e tyre, hapa të shpejt në zhvillimin ekonomik.
Mustafa përmes një postimi në Facebook, bëri të ditur se ka mbajtur takim me anëtaret e Forumit të Gruas së LDK-së ku theksoi se roli i gruas ka qenë vendimtar në të gjitha fazat e shtet ndërtimit në Kosovës.
“Forumi i Gruas i LDK-së shprehet në përkrahje të plotë të Qeverisë Hoti dhe të forcimit të rrugës evropiane dhe euroatlantike. Kërkojnë nga Qeveria dhe nga LDK masa dhe hapa të shpejtë në zhvillimin ekonomik, që siguron punësim për gratë dhe të rinjtë. Shprehet për përfaqësim meritor të gruas në institucionet qeveritare dhe institucionet e tjera të vendit. Përkrahin vendimet e organeve të LDK-së dhe kërkojnë që askush në LDK të mos veprojë në kundërshtim me to. Me ftesë të zonjës Lirije Kajtazi, Kryetare e Forumit të Gruas të LDK-së dhe deputete e Kuvendit të Kosovës, sot kishim një takim shumë përmbajtësor me veprimtaret e këtij Forumi. Roli i gruas ka qenë vendimtar në të gjitha fazat e shtet ndërtimit tonë”, shkruan Mustafa.
Në fotografitë e shpërndara nga kryetari i LDK-së, nuk shihet kryeparlamentarja, Vjosa Osmani, e cila si duket nuk ka marrë pjesë në këtë takim. /Telegrafi/
