CEO i Tesla Motors, Elon Musk, ka avancuar përpjekjet e tij për të transformuar platformën X në një platformë multimediale popullore.
Bëhet e ditur se pronari i SpaceX së fundmi ka bërë publik versionin beta të X TV në rrjetet sociale.
Me këtë veçori të re, përdoruesit mund të shikojnë filma dhe materiale të drejtpërdrejta brenda aplikacionit X, përcjell Telegrafi.
Siç raportohet, kjo veçori do të pakësojë varësinë e përdoruesit të X nga platformat e tjera.
Beta version of 𝕏 TV is out https://t.co/taODqsMECS
— Elon Musk (@elonmusk) September 3, 2024
Megjithatë, versioni ende nuk është i disponueshëm për të gjithë.
Përdoruesit e hershëm tashmë po eksplorojnë funksionalitetin e tij dhe reagimet pritet të formësojnë zhvillimet e mëtejshme.
Ndryshe, versioni beta i aplikacionit X TV do të ofrohet në LG, Amazon Fire TV dhe Google TV, me më shumë integrime që vijnë së shpejti. /Telegrafi/