Analisti Imer Mushkolaj thotë se aktakuza ndaj ish-drejtuesve të UÇK-së nuk është ngritur nga Serbia por është votuar nga vet Kosova.
“Aktakuza është ngritur nga një Gjykatë që ne e kemi pjesë të Kushtetutës…Aktakuza është ngritur nga një gjykatë që është votuar me vetëdije të plotë nga të zgjedhurit e popullit. Pra kjo nuk është aktakuzë që ka ardhur nga ndonjë institucion i Serbisë apo nga ndonjë gjykatë që është formuar nga jashtë”, deklaroi Mushkolaj në “Debat Plus”.
Mushkolaj thotë se derisa Serbia ka bërë libra të shumta për luftën në Kosovë, Kosova pothuajse asgjë nuk ka dokumentuar nga krimet e Serbisë.
“Serbia prej 20 vitesh është marrë me këtë punë, por ku jemi ne që nuk kemi përkthyer asnjë libër për gjenocidin e Serbisë. Ne kemi dështuar t’ia paraqesim botës krimet serbe”, tha ai, përcjell Telegrafi.
Analisti thotë se ka pasur përpjekje individuale për të paditur Serbinë për shumë masakra që janë bërë në Kosovë, por si shoqëri e shtet Kosova shumë pak ka bërë./Telegrafi/