Tashmë është bërë e ditur se Talat Xhaferi nga BDI-ja do të jetë i propozuar për kryetar të kuvendit të Maqedonisë, megjithatë dyshimet dalin nëse do të ketë mbështetjen e duhur për t’u zgjedhur kryetar, njofton Telegrafi Maqedoni.
Dyshimet shtohen pasi që Lëvizja Besa nuk ka marrë vendim për ta mbështetur kandidaturën e tij. Kështu shprehet në profilin e tij në Facebook, Orhan Murtezani nga Lëvizja Besa.
”Lëvizja Besa nuk ka marrë vendim për mbështetjen e Talat Xhaferit për kryetar të Kuvendit. Vendimi i fundit i Kryesisë Qendrore të Lëvizjes Besa është që Besa ta propozojë kandidatin e saj për kryetar të Kuvendit”, deklaron Murtezani./Telegrafi/
