Ballkani ishte bindës në triumfin prej 5-0 kundër Drenicës në ndeshjen e zhvilluar në Suharekë.
Të zgjedhurit e Ismet Munishit e dominuan sfidën në çdo aspekt dhe në këtë mënyrë regjistroi fitoren e katërt pas pesë xhirosh, në të cilat ka regjistruar edhe një barazim.
Në komentimin e tij për Art Sport, trajner i Ballkanit ka thënë se lojtarët e tij e nisën sfidën me seriozitet që nga minuta e parë.
Sipas tij, ka cilësi të madhe brenda skuadrës suharekase, lojtarë shumë të mirë, të cilët bënë një paraqitje për t’u lëvduar, ndërsa ndoshta nuk e kishte pritur një rezultat aq të thellë.
Edhe pse ishte i kënaqur me paraqitjen dhe rezultatin, Munishi ka paralajmëruar që të kihet kujdes edhe në rastet kur skuadra është duke avancuar 3-0, sepse vetëkënaqësia mund të jetë e rrezikshme.