Nuno Espirito Santo ka thënë një përditësim mbi objektivin e Manchester Cityt, Harry Kane, pasi pa skuadrën e tij Tottenham Hotspur të humbte në ndeshjen e parë të Ligës së Konferencën nga portugezët e Pacos de Ferreira.
Kane nuk ishte i përfshirë në ndeshjen e parë të Spurs në Ligës Premier kundër Cityt fundjavën e kaluar, të cilën ata e fituan 1-0 me golin e Son Heung-min, dhe Santo gjithashtu vendosi kundër përdorimit të tij në enjten në garën evropiane.
Ekipi londinez pësoi një humbje 1-0 ndaj Pacos de Ferreira në mungesë të tij këtë herë, dhe menaxheri portugez u detyrua edhe një herë pas ndeshjes të përgjigjej në pyetjen mbi të ardhmen e kapitenit të klubit.
Full-time in Portugal. pic.twitter.com/Netrm406LO
— Tottenham Hotspur (@SpursOfficial) August 19, 2021
Mediumi Goal.com ka raportuar se City po shpreson të nënshkruajë me Kane para se të mbyllet afati kalimtar i verës, por Santo ka thënë se ai po stërvitet normalisht me Tottenhamin me qëllim që të kthehet sa më shpejt në fushë.
“Ai u stërvit sot (e enjte). Ai u stërvit me grupin e lojtarëve që qëndruan në Angli”, ka thënë fillimisht portugezi mbi situatën e sulmuesit 28-vjeçar.
“Ai u stërvit mirë dhe do të stërvitet nesër (e premte) dhe kur të kthehemi ai do të bashkohet me të gjithë lojtarët dhe do të punojë si grup dhe Harry në të”, përfundoi trajneri i Spurs.
Është raportuar se City po përgatit një ofertë prej 150 milionë funtesh për Kane, kontrata aktuale e të cilit me Spurs nuk do të skadojë deri në vitin 2024.
Sulmuesi pranoi sezonin e kaluar se ai nuk do të hezitonte të largohej nga Spurs nëse mendonte se nuk mund të arrinte qëllimet për të fituar trofe dhe thuhet Se ai ka një ‘marrëveshje zotërinjsh’ me kryetarin e klubit Daniel Levy se ai mund të nënshkruajë një transferim nëse vjen një ofertë e përshtatshme. /Telegrafi/