Një kartolinë me motive festive ka nxitur debat dhe ka bërë që shumë përdorues të rrjeteve sociale të shfrytëzojnë më shumë trurin, që të gjejnë tri zilet që janë në këtë kartolinë.
Hungarezi Gergely Dudas që njëherit është ideatori i kësaj kartoline dhe njihet si Dudolf, ka kërkuar nga përdoruesit e rrjeteve sociale që t’i gjejnë tri zilet, transmeton Telegrafi.
E shumë prej përdoruesve u janë dashur minuta të tërë që të gjejnë një e lëre më tri, por disa kanë pasur shikim dhe koncentrim më të mirë – duke i gjetur për pak sekonda.
Ndryshe Dudolf është i njohur për sfida të tilla që e kanë bërë të njohur, dhe vazhdimisht publikon fotografi të ndryshme ku nga përdoruesit e rrjeteve sociale kërkon t’i gjejnë ato, që ai konsideron se i ka “fshehur” në imazhe. /Telegrafi/
