Zyrtarët e kafshëve të egra në Karolinën e Veriut po paralajmërojnë banorët që të jenë të vetëdijshëm për një rrezik të pazakontë të mundshëm shtëpiak: arinjtë mund t’i gjejnë nën shtëpitë e tyre.
Justin McVey, biolog në Komisionin e Burimeve të Kafshëve të Egra të Karolinës së Veriut, tha se zyrtarët kanë vënë re një rritje të numrit të arinjve që strehohen në shtëpi dhe kuverta private.
“Kur njerëzit mendojnë për strofulla, ata gjithmonë mendojnë për shpellat”, tha McVey dhe shtoi se “ky nuk është në të vërtetë rasti”.
“Kur fillova këtu punën 12 vjet më parë, merrnim një ose dy telefonata. Tani, kemi rreth 10-15 raste në javë”, pohoi McVey.
Ai tha se zyrtarët hezitojnë të zhvendosin arinjtë nënë me këlyshë shumë të vegjël, raporton upi.com.
“Pjesa argëtuese e punës është të bindësh një pronar shtëpie se është mirë të kesh një arush nën shtëpinë e tyre”, tha McVey.
Ai tha se arinjtë zakonisht lirojnë strofkat e tyre të dimrit vullnetarisht rreth fundit të marsit dhe fillimit të prillit.
Ndryshe, “Bear League” e Kalifornisë shpërndau video të një ariu që dëbohej nga një shtëpie në North Lake Tahoe. /Telegrafi/
