A mund ta identifikoni thëllëzën e fshehur prapa një grumbulli të gurëve. Shumë njerëzve u janë nevojitur orë të tëra për ta gjetur thëllëzën e shumëpërfolur.
Në shikim të parë, këta shkëmbinj në malet e Skocisë mund të duken të zakonshëm, por mos u mashtroni nga pamja e parë, transmeton Telegrafi.
Laurence Dabailleul nga Belgjika, ka arritur të shkrep këto fotografi derisa po ngjitej shkëmbinjve të Ben Wyvis në pjesën veriore të Iverness.
“Dëgjova zhurmën e një zogu por assesi nuk mund ta lokalizoja, por pas shumë tentimeve dhe këmbënguljes time, arrita t’i shoh katër prej tyre duke qëndruar në shkëmbinj”, ka deklaruar 51-vjeçari. /Telegrafi/