Kapiteni i Manchester Unitedit, Wayne Rooney ka insistuar se ekipi i tij ka kapacitet për të eliminuar Liverpoolin nga Europa League.
Unitedi të enjten pret Liverpoolin në Old Trafford për ndeshjen kthyese dhe kanë deficit prej dy golave në ndeshjen zhgënjyese që u zhvillua javën e kaluar në Anfield.
Sidoqoftë, Rooney, i cili do të mungojë në këtë takim shkaku i lëndimit të gjurit, është shprehur i bindur se bashkëlojtarët e tij mund ta kthejnë rezultatin.
“Liverpooli do të jetë i vështirë, por dy gola janë pak. Kemi lojtarë të mirë dhe goli i parë do të jetë i rëndësishëm. Nëse e arrijmë këtë, atëherë ne do të rikthehemi në lojë”, ka thënë Rooney për The Mirror.