Njërën ndër pjesët e rëndësishme të procedurës së higjienës orale e bën përdorimi i ujit për shpëlarje të gojës.
Ky lëng zvogëlon praninë e kariesit, ndërsa njëkohësisht lufton bakteret të cilat nuk janë eliminuar gjatë larjes së dhëmbëve. Ky në të vërtetë është hapi i fundit në eliminimin e baktereve dhe bacileve. Aq më shumë, e bën gojën të pastër dhe i jep aromë freskuese, transmeton Telegrafi.
Është e njohur që kariesi mund të shërohet me kurë adekuate dhe me ushqim të drejtë.
Përparësitë e përdorimit të ujit shtëpiak për shpëlarje të gojës:
Nuk kushton shumë – mund ta bëni vetë dhe të arrini rezultate të mrekullueshme.
Ju i kontrolloni përbërësit – mund të eliminoni shtresat me ndihmën e përbërësve të sigurt dhe plotësisht natyralë.
Nuk ka kimikalie – uji komercial për shpëlarje goje është plot aditivë si p.sh. kimikale të dëmshme, ngjyra artificiale dhe ëmbëltues dhe shtojca shijesh.
Soda e bikarbonatit gjithsesi është një ndër pastruesit më të fuqishëm dhe mund të përdoret në mënyra të ndryshme, duke përfshirë edhe higjienën orale.
Ka cilësi të fuqishme të eliminimit të njollave, andaj përdoret shpesh edhe për larje të dhëmbëve. Gjithashtu ka kapacitet antibakterial që eliminon shtresat dhe mikrobet të cilat i shkakton kariesi dhe aroma e keqe e gojës.
Si ta bëni këtë ujë: Do t’ju nevojiten:
– 1 lugë sodë bikarbonati,
– ½ luge të vogël kripë,
– ½ luge të vogël hidrogjen peroksidi,
– 1 filxhan ujë të ftohtë,
– ½ filxhan ujë të nxehtë,
– brusha e dhëmbëve, rrëmojca për dhëmbë.
Udhëzim:
Kombinoni sodën e bikarbonatit dhe kripën, pastaj njomeni brushën e dhëmbëve në ujë të nxehtë.
Qitni përzierjen në brushën e njomur dhe fërkoni dhëmbët me të. Nxirreni jashtë nga goja dhe përsëriteni këtë proces edhe dy minuta.
Përzieni hidrogjenin e peroksidit me ujë të nxehtë dhe atë tretje përdoreni për të shpëlarë gojën një minutë. Pastaj nxirreni nga goja.
Në fund përdorni rrëmojcën për të eliminuar shtresat nga dhëmbët. Shpëlani me ujë të ftohtë.
Përsëriteni këtë procedurë dy herë në javë.
Këshilla plotësuese:
Mbani në mend, kurrë nuk bën të përpini ujin për shpëlarje të gojës, sepse mund të përmbajë përbërës të dëmshëm.
Për shëndetin oral optimal, lani dhëmbët së paku tri herë në ditë me pastën cilësore për dhëmbë.
Ushqimi djegës nxit tajitje të pështymës, ndërkaq pështyma në mënyrë orale e pastron gropën e gojës. /Telegrafi/