Ish-ministri i Tregtisë dhe Industrisë, Ismet Mulaj, kishte paralajmëruar se njehsorët e prodhuesit KOHLER, në tregun kosovar ishin jashtë standardeve. Pas deklaratave të tij, janë arrestuar tre zyrtarë të MTI-së për këtë skandal.
Mulaj, ka thënë për Indeksonline se prokuroria nuk duhet t’i përfundojë hetimet me arrestimin e tre zyrtarëve, për dallavere me njehsor elektrik.
Ai thotë se paralajmërimet e tij për hetimet e prokurorisë kanë qenë të vërteta dhe njehsorët elektrik kanë qenë të vërtetuar se nuk i plotësojnë standardet.
“Është vërtetuar atë që e kamë thënë më herët. Instituti Holandës e ka vërtetuar se këta njehsor janë me defekte dhe unë shpresoj që Gjykatat ta qoj deri në fund këtë hetim jo me arrestimin e vetëm tre zyrtarëve sepse ky ka qenë krim i organizuar dhe përgjegjësia duhet të bie deri në personin e fundit që ka manipuluar”, ka thënë Mulaj.
Ai ka thënë se operatori KEDS-i duhet t’i largojë menjëherë këta njehsor nga përdorimi dhe po ashtu atyre që ua ka instaluar t’ua largojë. /Telegrafi/