Deputeti i OBRM-PDUKM-së, Kërste Mukoski, hesht edhe pas publikimit të incizimeve nga Alsat-M, ku ai shihet qartë se si hap dyert e Kuvendit për protestuesit e dhunshëm të 27 prillit, përcjell Telegrafi Maqedoni.
Ndonëse gazetarët kanë tentuar disa herë të marrin komentin e tij në lidhje me veprimet e dhunshme të 27 prillit në Kuvend, Mukoski nuk u ndal edhe këtë herë për të sqaruar situatën e asaj nate, por ka thënë vetëm se ai është shprehur njëherë lidhur me këtë pyetje.
Ai shtoi se nuk është thirrur nga Prokuroria Publike për ndonjë përgjegjësi të tijën gjatë të enjtes së përgjakshme në Kuvend./Telegrafi/
