Kryetari i Suharekës Bali Muharremaj thotë se në Komunën e Suharekës sot janë regjistruar edhe gjashtë raste të reja me COVID.
Muharremaj në RTV Dukagjini ka thënë se katër prej të infektuarve që janë regjistruar sot janë raste kontakti ndërsa shton se janë dy raste të reja nga fshatrat Bukosh dhe Krushic, përcjell Telegrafi.
“Ne marrim përgjegjësi që të bëjmë dezinfektimin e shtëpive të këtyre dy rasteve të reja ndërsa me gjurmimin e kontakteve merren Instituti i Shëndetit Publik dhe Policia e Kosovës”.
I pari i Suharekës thotë se masat janë duke u respektuar pothuajse 100 për qind por sipas tij rastet e reja janë pasojë e kontakteve nga e kaluara.
Muharremaj thotë se në bazë të informatave në Kosovë pritet të vijnë edhe 2 mijë teste që janë kontraktuar nga Sllovenia.
Kryetari i Suharekës ka konfirmuar se tashmë në këtë komunë janë të konfirmuara 22 raste me COVID-19./Telegrafi/