Portali Religija bën të ditur se Muftinia e BFI-së për Shkup i ka dënuar ashpër aktet vandale të demolimit të varrezave ortodokse në fshatin Luboten të Shkupit, përcjell Telegrafi Maqedoni.
Sipas Muftinisë, aktet e këtilla nuk janë pjesë e besimtarëve të sinqertë të cilësdo fe, dhe se ky akt nuk është kryer nga muslimanët e Lubotenit. Muftinia e Shkupit kërkon ndriçimin e plotë të rastit dhe dënimin e atyre që e kanë kryer këtë akt të shëmtuar.
Njiherit, Muftinia apelon te qytetarët, që pa dallime etnike apo fetare, të mos bien pre e provokimeve që kanë për qëllin, të shkaktojnë probleme të caktuara që nuk janë në interes të bashkëjetesës.
Muftinia konsideron se besimtarët muslimanë nuk duhet të tregojnë shenja të hakmarrjes./Telegrafi/