Ministria e Tregtisë dhe Industrisë (MTI), ka filluar implementimin e projektit të navigimit të qyteteve të Kosovës. Zyrtari për Planifikim dhe Koordinim të Komunikimit në MTI, Bajram Shala, tha se ky projekt do të shërbej për informimin e vizitorëve dhe turistëve në orientimin e tyre në qytetet e Kosovës dhe në qendrat turistike. Ai tha se pilotprojekti për vendosjen e navigatorëve për navigimin e qyteteve të Kosovës dhe pikave turistike është në fazën testuese dhe theksoi se do të përfundoj në muajt në vijim.