Ministria e Shëndetësisë hapi linjë direkte telefonike për qytetarët për të komunikuar me ministrin Arben Taravari. Nga MSH thonë se qytetarët mund të paraqesin ankesat dhe idetë e tyre për ministrinë.
“Qytetarët kanë mundësi të ndajnë propozimet e tyre për kujdesin shëndetësor, të raportojnë parregullsi, të lavdërojnë punën e punëtorëve shëndetësorë dhe të propozojnë ide për reforma në numrin e telefonit – 072/899001”, thuhet në njoftimin e sotëm të Ministrisë së Shëndetësisë.
Siç thuhet në njoftim, qytetarët kanë mundësi për komunikim personal me ministrin, gjatë ditës së hapur – çdo të mërkurë nga ora 13:30 deri në 16:00.