Lideri aktual i Ligës Premier, Chelsea, ka vazhduar me fitore këtë edicion në Ligën Premier.
Skuadra e Antonio Contes ka mposhtur West Bromwich Albion me rezultat minimal 1-0 falë një goli nga Diego Costa.
Chelsea kërkonte golin që nga minuta e parë, mirëpo portieri mysafir Foster ishte në ditën e tij më të mirë.
Raste të mira shënimi kishte Eden Hazard dhe Diego Costa në pjesën e parë por që pa arritur ta dërgojnë topin në rrjetë.
Ndërkohë edhe mysafirët u treguan të rrezikshëm në 45 minutat e parë.
Sulmuesi Chris Brunt rrezikoi por pa sukses.
Ndërkohë një goditje e fortë ishte nga gjuajtja e lirë nga David Luiz por pa sukses.
Në pjesën e dytë, Chelsea tregoi se po kërkonte tri pikë dhe arriti të shënoi edhe golin e parë.
Ishte sulmuesi spanjoll, Diego Costa që shënoi në minutën e 76-të pas një depërtimi individual në zonë.
Pas kësaj fitore, Chelsea vazhdon të mbetet lider në Ligën Premier, me 37 pikë të tubuara, tri më pak se Arsenali në pozitën e dytë.
Fitorja ndaj WBA ishte e nënta radhazi në këtë edicion për Chelsean.
Javën tjetër skuadra e Antonio Contes do të përballet në udhëtim me Sunderlandin. /Telegrafi/
https://www.youtube.com/watch?v=gXfFCGS-hDI