Në një spital në Wuhan të Kinës, ku është qendra e shpërthimit të coronavirusit, mjekët dhe infermieret e veshur me uniforma speciale, e kanë kryer një lindje me ndihmën e prerjes cezariane.
Shpërthimi i sëmundjes, që deri më tani i ka infektuar më se 100 mijë njerëz, ka bërë që Organizata Botërore e Shëndetësisë t’ju kërkojë autoriteteve kineze që ta trajtojnë me kujdes këtë sëmundje në formë pandemie, transmeton Telegrafi.
Deri më tani, coronavirusi është shpërndarë në shumicën e shteteve, ku ka edhe të vdekur dhe po kërkohen të vendosen në karantinë, ata që kanë rënë në kontakt me të prekurit.
Mjekët e veshur në tërësi me uniforma sigurie, maska dhe syze, e kanë kryer një proces të lindjes në spitalin e Xiehe, ku ka lindur një fëmijë.
Nëna e fëmijës, kishte gjithashtu në maskë në fytyrë, të cilën vazhdoi ta mbante edhe kur mjekët ia afruan ngadalë te fytyra fëmijën e porsalindur.
Gjatë 24 orëve të fundit, Kina ka raportuar për 44 raste të reja, një rënie e numrit në krahasim me disa ditë më parë, derisa numri i fataliteteve ka rënë në 27.
Situatë e njëjtë nuk është edhe në shtete të tjera, ku coronavirusi po përhapet me shpejtësi, ndërsa janë ngritur karantina dhe ndalesa të shumta, në përpjekje që ta ndalojnë. /Telegrafi/