Sot filloi trajnimi i parë i 30 edukatorëve të përzgjedhura për forcimin e kompetencave të stafit nëpër çerdhe, njofton Telegrafi Maqedoni.
“Ministria e Punës dhe Politikës Sociale, trajnimet i zbaton si pjesë e bashkëpunimit të përbashkët me UNICEF, me çka, se edhe në vitin 2019 vazhdojmë të punojnë në përmirësimin e cilësisë së shërbimeve dhe forcimin e kompetencave profesionale të punonjësve në institucionet për fëmijët”, thuhet në deklaratën e Ministrisë.
Siç shtojnë nga atje brenda këtyre aktiviteteve këtë vit do të organizohet një seri seminaresh për të promovuar kompetencat socio-emocionale të edukatorëve për nxitjen e zhvillimit socio-emocional të fëmijëve të vegjël. Një numër i madh i hulumtimeve shkencore nxjerrin në pah se zhvillimi emocional i jetës së hershme është vendimtar për zhvillimin e arkitekturës së përgjithshme të trurit dhe ka një ndikim të madh gjatë gjithë jetës.
Pjesëmarrësit që kalojnë trajnimin janë të detyruar të transferojnë shkathtësitë dhe njohuritë e fituara tek kolegët e tyre dhe të sigurojnë mbështetje të vazhdueshme për punonjësit e institucioneve për fëmijët brenda programit për mbështetje kolegjiale që do të zbatohet në vitin 2019 dhe 2020./Telegrafi/