Ministri Bujar Osmani nuk duhet të paraqitet në seancën tek e cila i është ngritur padi për shpifje, përcjell Telegrafi Maqedoni.
Nga MPJ thonë se padia nga Lëvizja Ndërkombëtare Maqedonase për të Drejtat e Njeriut është e pabazë.
Nga Ministria e Punëve të Jashtme njofton se ministri, Bujar Osmani nuk ka marrë ftesë për në senacën e sotme gjyqësore në të cilën janë ftuar avokatët.
Nga MPJ thonë se akza e ngritur kundër Ministrit është e pabazë.
“Ministri nuk ka bërë kurrë shpifje të tilla që mund të jenë fyese, shpifëse, diskriminuese apo edhe dëmtuese. E tërë kjo nuk është një proces ligjor por diskretitim publik. Ne shpresojmë se gjykata në këtë rast do i shqyrtojë faktet për ta deklaruar padinë si të pabazuar.”
Nga pala maqedonase u ngrit padi kundër ministrit Osmani i cili gjatë tetorit të vitit të kaluar për televizionin bullgar “BTV” u shpreh se duhet të hulumtohet se kush janë themeluesit e klubit maqedonas në Bllagoevgrad. Osmani theksoi se pikërisht kjo lëvizje është burimi financues i klubit maqedonas “Nikolla Vapçarov”. Osmani se bëhet fjalë për një fondacion nga Kanadaja e cila punon kundër interesave të shtetit si dhe interesave të partnerëve strategjik maqedonas.
Më 27 janar 2023, kryetari i Lëvizjes Ndërkombëtare Maqedonase për të Drejtat e Njeriut, Bil Nikollov dhe organizata ngritën padi për fyerje dhe shpifje në Gjykatën Themelore Civile Shkup edhe kundër mediumit “360 Gradë”./Telegrafi/