Ministri për Punë të Jashtme e Rusisë ka reaguar ndaj deklaratës së zv. sekretarit amerikan, John Sullivan gjatë vizitës së tij zyrtare në Shkup më 18 dhjetor.
“Ne do kishim dashur që zyrtarin amerikan ta kthejmë në realitet. Së pari “vullneti i qartë i qytetarëve të Maqedonisë” ishte shprehur me referendumin e pasuksesshëm në republikën ballkanike më 30 shtator të këtij viti. Sipas rezultateve, shumica e banorëve e hodhën poshtë qëllimet e SHBA-ve që ta tërheq Shkupin në strukturat euroatlantike në këmbim të ndryshimit të emrit dhe heqjes dorë nga interesat kombëtare të vendit”, thuhet në reagim.
Sipas MPJ-së ruse ambasadori amerikan ka qenë i pranishëm në ndërtesën e Kuvendit të Maqedonisë gjatë kohë, siç theksojnë, votimit skandaloz më 19 tetor të këtij viti. Nga atje akuzojnë se që të sigurohen votat e mjaftueshme për ndryshimet kushtetuese janë shfrytëzuar edhe manipulime të pista, blerje dhe kërcënime të deputetëve.
Sipas MPJ ruse, me retorikën e pa bazë antiruse, Uashingtoni po përpiqet dëshiron ta justifikon ndërhyrjen në punët e brendshme të Maqedonisë, ta legjitimoj marrëveshjen e Prespës dhe ta tërheq edhe një vend të Ballkanit në NATO, kundër vullnetit të qytetarëve, siç ishte rasti me Malin e Zi në vitin 2017.
Sullivan tha se nuk e habit ndikimi rus në Maqedoni lidhur me marrëveshjen për emrin dhe se Moska do të bëj gjithçka që ta minoj procesin e zbatimit të marrëveshjes së Prespës./Telegrafi/