Ministria e Punëve të Brendshme apelon tek qytetarët të mos udhëtojnë me dokumente personale, të cilat më parë i kanë paraqitur si të humbura ose të vjedhura, pasi janë të pavlefshme dhe ju merren qytetarëve dhe në këtë mënyrë nuk ju lejohet të udhëtojnë.
Në kumtesën e MPB-së thuhet se në kalimet kufitare gjatë sezonit turistik qytetarët mundohen që kufinjtë t’i kalojnë me dokumente që më parë i kanë paraqitur si të humbura dhe pasi i gjejnë tentojnë të udhëtojnë, pa mos i paraqitur se i kanë gjetur dokumentet.
Nga MPB thonë se me qëllim që qytetarët t’u shmangen harxhimeve shtesë financiare, për të nxjerrë listë për udhëtim pranë ambasadave të Maqedonisë në shtete të ndryshme, qytetarët që më parë i kanë paraqitur si të humbura dokumentet personale, në rast se i kanë gjetur të njëjtat t’i paraqesin në organet kompetente të MPB-së./Telegrafi/