Ministria e Punëve të Brendshme sot ka konfirmuar lajmin se ditën kur kanë arrestuar dhjetra të dyshuar për ngjarjet e 27 prillit, poashtu kanë bastisur edhe shtëpinë e deputetit të RDK, Vesel Memedit në fshatin Çajlë të Gostivarit. Mirëpo, policia nuk ka dhënë asnjë informacion shtesë për arsyen e bastisjes duke u arsyetuar se kjo është bërë me urdhër të gjykatës.
“Me urdhër të Gjykatës Themelore Shkupi 1 me datë 28 nëntor të këtij viti është kryer kontroll në shtëpinë e personit me iniciale V.M në fshatin Çajlë-Gostivar”, thonë nga MPB.
Sipas policisë, detajet e bastisjes së shtepisë së Memedit duhet të kërkohen nga Gjykata Themelore Shkupi 1./Telegrafi/