Në përpjekje të përbashkëta për të rritur sigurinë, Ministria e Punëve të Brendshme realizoi një sërë aktivitete parandaluese në departamente të ndryshme, duke përfshirë Manastirin, Velesin, Ohrin, Tetovën, Shtipin dhe Kumanovën. Të fokusuara kryesisht në sigurinë e trafikut të fëmijëve dhe mirëqenien e përgjithshme brenda shkollave, aktivitetet trajtuan gjithashtu çështje të tilla si dhuna nga bashkëmoshatarët.
Dje në tri shkolla fillore në Manastir janë mbajtur ligjerata edukative për rregullat e komunikacionit si, këmbësorë, çiklistë dhe përdorues të skuterit. Njëkohësisht, nxënëxit e Krushevës kanë pasur aktivitete në sigurinë rrugore për drejtuesit e mjeteve motorike dhe masat e mbrojtjes nga zjarri në hapësirat e hapura pranë zonave rekreative.
Në Kriva Pallankë, SPB Kumanovë përmbylli aktivitetin të komunikacionit të titulluar “Abetare në komunikacion” për nxënësit e të gjitha klasave, ndërsa në SPB Veles për nxënësit e klasës së parë u mbajtën seancat e edukimit të komunikacionit në “Dimka Angelov Gaberot” në fshatin Vatashë. Ky i fundit përfshinte gjithashtu një seminar që trajtonte dhunën e bashkëmoshatarëve për studentët e klasave të larta.
Po ashtu, Ministria e Punëve të Brendshme ka iniciuar një takim në Tetovë me drejtorët e gjashtë shkollave të mesme, përfaqësuesit e pushtetit lokal. Objektivi ishte nxitja e një bashkëpunimi më të mirë për të garantuar siguri maksimale brenda dhe rreth shkollave. Gjithashtu në SPB të Ohrit, u mbajtën aktivitete që përfshinin sigurinë në trafik, mbrojtjen nga krimet pronësore dhe masat për parandalimin e zjarreve në natyrë.
Në zonën e SPB-së Shtip, gjegjësisht në Berovë, zyrtarët policorë të SPB-së Berovë kanë kryer një aktivitet parandalues në disa rrugë të qytetit për vendosjen e detyrueshme të rripit të sigurimit, si për vozitës ashtu edhe për pasagjerë në automjete, thuhet në njoftimin e Ministria e Punëve të Brendshme./Telegrafi/