Reperi i popullarizuar i skenës shqiptare, Gramos Aliu i njohur si Mozzik, së fundmi është rikthyer në vendlindjen e tij – Ferizaj.
I njëjti është mjaft i angazhuar në mbrëmje dhe koncerte të ndryshme muzikore, ndërsa nuk heziton që gjatë kohës së lirë të merret edhe me aktivitete të tjera.
Së fundmi, ai ka publikuar një fotografi në llogarinë personale, Instagram, përmes së cilës tregon se ndihmoi një familje në nevojë.
“Era dimër, e kur vjen era dimër në Kosovë dikujt nuk i ndalen vështirësitë jetësore. A ka ma rëndë për një Babë ( prind ) i cili ska nga t’ia mbajë , çfarë të bën për familjen e tij,e familjes së tij i kanë humbur shpresat për gjithçka , e vetmja fjalë qe i mbanë gjallë është “Do bëhet mirë”. Andaj sa të mundem do vizitoj nevojtarë, kam vizituar e vazhdoj ende”.
“Nuk pata qef ta postoj këtë foto , por më shtyri fakti e ndërgjegja njerëzore..Ndoshta dikush motivohet për një gjest të tillë. Vërtetë kemi nevojë secili njeri ,për secilin njeri! Lutuni për rrisk,duke dhënë!Sadakaja është vyrtyt”, ka shkruar mes të tjerash 24-vjeçari.
Veç tjerash, pas projektit të suksesshëm “Dhelpër Dinake”, Mozzik është duke punuar në një tjetër këngë e cila pritet të publikohet në muajin dhjetor. /Telegrafi/