Kryetari i Kuvendit të Republikës së Kosovës, njëherësh lider i PDK-së, Kadri Veseli, ka thënë sot se ka pranuar ftesë nga Dhomat e Specializuara për t’u intervistuar më 4 dhjetor në Hagë.
Përmes një njoftimi të bërë në rrjetin social Facebook, ai bëri të ditur se ka ndër mend t’i përgjigjet kësaj ftese.
Për këtë thirrje nga Gjykata Speciale ka pasur reagime të shumta në rrjetet sociale, përfshirë këtu edhe të famshmit nga estrada.
Reoperi i njohur Mozzik, ishte ai i cili shpërndau në InstaStorty një fotografi të Veselit, duke i uruar udhëtim të mbarë e kthim faqebardhë në vendlindje.
“Shkofsh e u kthefsh faqebardhë! UÇK shkruhet, liri lexohet, Kadri Veseli, Komandant Luli”, ka shkruar Mozzik në Facebook , dhe më pas të njëjtin imazh e ka shpërndarë në InstaStory.
Kjo nuk është hera e parë që reperi i njohur nga Ferizaji u ka dalë në mbështetje ushtarëve të UÇK-së. /Telegrafi/
