Manchchester United do të zhvillojë ndeshjen e tetë në kuadër të Ligës Premier.
United do të udhëtojë për në Liverpool, ku do të takohet me skuadrën e The Reds.
Para ndeshjes mes dy klubeve më të suksesshme angleze, ka folur trajneri i Djajve të Kuq, Jose Mourinho.
Ky i fundit ka pohuar se i pëlqen atmosfera që krijojnë shikuesit në stadiumin legjendar, Anfied Road.
“Kur njerëzit flasin për atmosferën dhe flisni negativisht për këtë gjë, po më befason së tepërmi”, ka thënë Mourinho.
“Barcelona luajti me Las Palmasin në një stadium pa shikues. A ishin të lumtur me këtë? Kur luajmë në shtëpi, ankohemi se nuk ka entuziazëm. E dimë se fansat anojnë shumë. Kjo është ajo që duam. Jam i lumtur që luajë në një atmosferë si në Anfield Road”, tha ndër të tjerash Mou.
Ndryshe, Manchester United ndan pozitën e parë me Citizens ndërsa Liverpooli gjendet në vendin e tetë. /Telegrafi/
