Manchester Unitedi është i gatshëm të shkarkojë Jose Mourinho këtë fundjavë, pretendojnë mediat angleze, teksa Micheal Carrick shihet pasues i tij.
E ardhmja e trajnerit portugez vazhdon të jetë në pikëpyetje dhe mes një udhëkryqi të madh në Old Trafford.
Sipas mediumit The Mirror, Mourinho ka humbur besimin e bordit të Unitedit dhe ata kanë caktuar të shkarkohet këtë fundjavë.
Burime nga klubi i Unitedit thonë se ai ka arritur pikën më të lartë dhe bordi është i gatshëm ta shkarkoj edhe nëse arrin çfarëdo rezultati në ndeshjen e sotme (e shtunë) kundër Newcastle.
Mourinho ka larguar lojtarët, tifozët dhe stafin në Old Trafford me qasjen e tij të ndarë në muajt e fundit dhe ata që janë përgjegjës për klubin, të udhëhequr nga nënkryetari ekzekutiv Ed Woodward, kanë pasur mjaft arsye për të reaguar.
Ish-drejtori i Real Madridit, Zinedine Zidane, është favoriti për të arritur si zëvendësues i Mourinhos, i cili do të marrë kompensim prej rreth 20 milionë funtesh.
Një emër i ri që po përfolët është ai i legjendës, Michael Carrick, i cili mund të vihet në ngarkim të përkohshëm në krye të klubit të madh anglez.
Edhe emri i trajnerit të Tottenham Hotspur, Mauricio Pochettino është përfolur si trajner i ri i mundshëm. /Telegrafi/