Jose Mourinho shmangi krahasimet me Luciano Spallettin, por trajneri i Manchester Unitedit thotë se është një tifoz i Interi dhe dëshiron që ata të bëjnë mirë.
Nerazzurrët aktualisht janë në krye të Serie A dhe ende janë të pamposhtur.
Pas humbjes ndaj Manchester Cityt me rezultat 2-1 Special One u pyet për Sky Sport, nëse Spalletti mund të ndjekë hapat e tij.
“Luciano ka historinë e tij, unë e kam timen, por jam i lumtur që ata janë në vendin e parë”.
“Të dy kemi metodat tona të punës. Jam interesit dhe gjithmonë dua që ata të bëjnë mirë, edhe tani që jam larg”, ka thënë Mourinho.
Ndeshja e ardhshme e Interit është ndaj Udineses, ndërsa ajo e Man Utd kundër Bournemouthit.
Vlen të theksohet se Mourinho me Interin fitoi Tripeltën e famshme në vitin 2010. /Telegrafi/
