Jose Mourinho ka ftohur qëndrimin e tij rreth të ardhmes së Gareth Bale te Tottenhami.
Ylli uellsian u rikthye te Spurs si i huazuar nga Real Madridi deri në fund të këtij edicioni.
Por, Bale që ka startuar vetëm një ndeshje te Tottenhami, është afër të rikthehet te madrilenët, pasi Mourinho nuk është i bindur nga forma e tij.
“Kur ai arriti, ishte i lënduar dhe kishte nevojë për rikuperim”, ka thënë trajneri portugez.
“Në Ligën e Evropës kishim një fazë të ndryshme dhe në Ligën Premier ai nuk ka luajtur shumë”.
“Më pas një lëndim kundër Stoke Cityt, kur kishte një pjesë të parë të mirë. Nuk është një proces i lehtë”.
“Gareth është një lojtar në huazim deri në fund të edicionit dhe nuk ka shanse të dyta. Real Madridi e ka të ardhmen e tij në duar dhe aty vendos ai”, ka shtuar më tej Mourinho.
Duket se Bale nuk do të qëndrojë te Tottenhami dhe do të rikthehet te skuadra spanjolle, aty ku nuk është i dëshiruar më. /Telegrafi/