Jose Mourinho insiston se nuk pret një rindërtim të madh të Tottenhamit këtë verë pasi beson se klubi do të jetë shumë më i mirë vitin e ardhshëm kur të rikuperojë lojtarët nga një seri dëmtimesh.
Spurs u eliminuan nga RB Leipzig të martën, duke u mposhtur 3-0 në Gjermani pasi humbjes në ndeshjen e parë 1-0 në 1/8-tën e Ligës së Kampionëve.
Megjithatë, trajneri i Spurs, Mourinho beson se eliminimi erdhi shkaku i dëmtimeve të shumta dhe në sezonin e ardhshëm ekipi do të jetë më i mirë.
Harry Kane, Son Heung-min, Moussa Sissokho dhe Steven Bergwijn janë në mesin e atyre që janë aktualisht të lënduar dhe Mourinho pranoi që ato lëndime të ngrisin përsëri ekipin lartë kur të vijë koha.
“Nëse mund të jem kritik ndaj disa prej lojtarëve të mi, unë e mbaj këtë për ne. Ata u përpoqën të japin atë që mund të japin”, ka thënë fillimisht Mourinho për BT Sport.
“Kemi bërë gabime, gabime që kemi analizuar në ndeshjet e mëparshme. Kurrë nuk i fajësoj lojtarët. Është e vështirë për mua të përballoj lojtarë që nuk mund të shprehin potencialin e tyre, jo më ata që janë në kufirin e tyre. Jam me djemtë”.
“Askush nuk duhet të fajësohet. Në çdo ndeshje kemi një dëmtim traumatik. Kjo është historia e këtij sezoni. Shikoni sonte stolin tonë. Është shumë e vështirë. Nuk mund t’i fajësoj lojtarët”.
“Unë nuk mendoj se do të kemi një rindërtim të madh, këtë verë, përveç nëse diçka ndodh gjatë Euros. Neve na kthehet Sissoko, Kane dhe Son. Kjo është e madhe”, përfundoi portugezi. /Telegrafi/