Mourinho në qendër të vëmendjes për ‘selfien’ me një tifoz në ndeshjen Tottenham – Liverpool

Jose Mourinho mund të jetë ‘i veçantë’ si trajner, mirëpo aftësitë e tij për të bërë fotografi, lënë për të dëshiruar.

Një tifoz i ka kërkuar portugezit që të bëjë një fotografi me telefonin e tij kur po hynte në fushë për ndeshjen ndërmjet Tottenham Hotspur dhe Liverpool, ndërsa rezultati nuk ishte ai që deshi tifozi.

Lexo po ashtu Mourinho: Lojtarët dhanë gjithçka, merituam më shumë ndaj Liverpoolit

Tifozi u zgjat te muri dhe i kërkoi trajnerit që të bënte një fotografi bashkë me të dhe ia dha telefonin.

56-vjeçarit nuk i bëri aspak përshtypje kjo, mirëpo vendosi ta bënte ‘selfien’ sa më shpejt, edhe pse tifozi përpiqej ta mësonte.

Ai e mori telefonin dhe e bëri fotografinë që në fakt përfshiu pjesën e sipërme të kokës së tij dhe murin prapa, duke mos e përfshirë tifozin në kuadër.

Pamjet nga ky moment janë shpërndarë në rrjetet sociale dhe ky veprim është bërë hit ndër tifozët e futbollit. Gjë që ndodh shpesh me veprimet e Mourinhos.

Ndryshe, skuadra e tij, Tottenham Hotspur pësoi humbja nga lideri i Ligës Premier, Liverpool, me golin e vetëm të shënuar nga Roberto Firmino. /Telegrafi/