Zlatan Ibrahimovic mund të kthehet te Manchester United edhe për një vit dhe këtë e thotë edhe Jose Mourinho.
Ibrahimovic shënoi 17 gola në Ligën Premier pasi kaloi nga Paris Saint-Germain.
Ai u lëndua me fanellën e United në ndeshje me Anderlechtin ne kuadër të Ligës së Evropës.
Por edhe pse u largua Mourinho i lë derën e hapur Ibrahimovicit.
“Sigurisht e ka derën e hapur. Ne duam të jemi të sinqertë dhe të hapur, duke e lënë që ai të marrë vendimin”, tha Mourinho.
“Në të njëjtën kohë, le të marrim një vendim që na bën të gjithëve të lumtur edhe atë edhe ne, por për ketë duhet të presim – le të themi në dhjetor ndoshta, sepse nuk mendoj se para dhjetorit ai mund të kthehet në futbollin konkurrues, por pse të mos e presim një lojtar që na dha aq shumë?”.
“Ne po i shikojmë idetë edhe Edward Woodward edhe agjenti i Zlatan [Mino Raiolan], por vendimi përfundimtar është i lojtarit”, ka thënë Mourinho.
LA Galaxy po ashtu lidhet me Ibrahimovicin. /Telegrafi/
https://www.youtube.com/watch?v=OWwsDuGEGDk